Татарстанлылар коронавирус йоктырудан куркып, инсультны дәвалаудан баш тарта башлаган
ТР Сәламәтлек саклау министрлыгының баш белгеч-ангионеврологы, Казан дәүләт медицина университеты профессоры Динә Хәсәнова хәбәр иткәнчә, татарстанлылар коронавирус йоктырудан куркып, инсультны дәвалаудан баш тарта башлаган.
"Бездә коронавирус йогышы вакытында ай саен ашыгыч ярдәм аша госпитализацияләүдән баш тартучылар саны артты. Һәм бу кешеләр адекват ярдәм алмады", - дип ассызыклады спикер.
Бер ел эчендә республикада инсульт белән 18 мең кеше мөрәҗәгать итә. Аның сүзләре буенча, коронавирус пандемиясе белән бәйле рәвештә соңгы айларда мондый чакырулар саны кими бара.
"Сүзнең кинәт бозылуы, кулда көчсезлек, затның асимметриясе, баш авырту. Мондый билгеләр барлыкка килгәндә шунда ук ашыгыч ярдәм чакыртырга кирәк",-дип билгеләде белгеч-ангионевролог.
Фото:Рамиль Гали
Следите за самым важным и интересным в Telegram-каналеТатмедиа