Әлмәт гомуми табиблык практикасы үзәгендә түбә төзи башладылар

Әлмәттә "Алсу" микрорайонында "Гомуми табиб практикасы үзәге һәм балалар поликлиникасы" төзелеше дәвам итә. Хәзерге вакытта  хезмәткәрләр түбә конструкциясен монтажлауга керештеләр. Бу хакта Әлмәт район үзәк хастаханәсе хәбәр итә.

Подрядчы булып «Альянс-строй» ҖЧҖ тора. Объект «Татарстан Республикасы сәламәтлек саклавының беренчел звеносын модернизацияләү» программасы буенча «Сәламәтлек саклау» милли проекты буенча финансланган.

Барлык эшләр дә расланган график буенча бара, объектны файдалануга тапшыру билгеләнгән вакытка планлаштырылган.

Фото: Әлмәт РҮХ.