Әлмәтлеләр «Ел табибы — Ак чәчәкләр-2022» конкурсында иң яхшы табиблар өчен тавыш бирә алалар

Татарстанның сәламәтлек саклау министрлыгы сайтында «Ел табибы-Ак Чәчәкләр 2022» конкурсының номинантлары өчен тавыш бирү башланды. Бу хакта ведомствоның матбугат хезмәте хәбәр итә.

Барлыгы 4 номинация: "Ел табибы", "Беренчел звеноның иң яхшы табибы", "Елның медицина хезмәткәре" һәм "Уникаль очрак". Аларның һәркайсында бер кандидатны сайларга мөмкин.

Әлмәттән "Ел табибы" номинациясендә перинаталь үзәкле Әлмәт балалар шәһәр хастаханәсенең сырхауханә эше буенча баш табиб урынбасары Тамара Черемисина катнаша.

«Тамара Федоровна-табибларның Черемисиннар династиясе вәкиле, аларның гомуми эш стажы 200 елга якын. Ул үзе табиб булып 28 елдан артык эшли», - дип аныкладылар ведомствода.

Җиңүчеләрне республиканың сәламәтлек саклау министрлыгы каршындагы иҗтимагый совет утырышында билгеләячәкләр. Шулай ук интернет-тавыш бирү дә мөһим роль уйный.

Фото: ТР сәламәтлек саклау министрлыгы.