Сәламәтлек
Тюбингта шуып имгәнгән 30 бала Республика балалар клиник хастаханәсенә китерелгән
Ватрушка өстендә утырганда аяк белән идарә итеп булмый, шуңа күрә аларда шуу икеләтә куркыныч.
Яңа ел бәйрәмнәренең җиде көнендә Республика балалар клиник хастаханәсенең нейрохирургия бүлегенә тюбингта шуудан соң имгәнгән 30 бала китерелгән. Бу хакта клиника бүлеге мөдире, Идел буе федераль округының штаттан тыш баш нейрохирургы Владимир Иванов сөйләде.
«Бәйрәмнең 7-8 көнендә Казан шәһәрендә безнең кабул итү бүлеге нейрохирургларына 30 кеше мөрәҗәгать иткән. Ягъни, утызга якын бала тюбингларда шуудан зыян күргән», — диде табиб.
Еш кына тауларда балалар бер-берсе белән бәрелешә, агачларга һәм бина диварларына бәрелә.
Следите за самым важным и интересным в Telegram-каналеТатмедиа