Татарстан волонтерлары пандемия башланганнан бирле 40 меңнән артык заявка үтәгән
Волонтерлык проектларында катнашучы студентлар ординатурага кергәндә өстәмә баллар алалар.
Татарстанда «Волонтер-медиклар» хәрәкәте волонтерларының күп өлеше — КДМУ һәм республиканың медицина колледжлары студентлары, алар Covid-19га каршы көрәшкә үз өлешләрен кертәләр. Бу хакта оешманың төбәк бүлекчәсе җитәкчесе Анна Макарова хәбәр итте.
"Волонтерлар термометриядә, хастаханәләр каршындагы колл-үзәкләрдә, шулай ук кабул итү-диагностика бүлекләрендә булышалар. Уку елына карап, волонтерлар йә кече шәфкать туташлары персоналына, йә табибларга ярдәм итәләр", - диде Макарова.
Аның сүзләренә караганда, ирекле ярдәмчеләрнең бер өлеше риск төркемендә булган татарстанлыларга азык-төлек һәм дарулар китерә.
Пандемия башланганнан бирле волонтерлар 40 меңнән артык заявканы үтәгән. Хәзер волонтерларга хакимият органнары да ярдәм итә.
Следите за самым важным и интересным в Telegram-каналеТатмедиа