Әлмәт таңнары

Әлмәттә теш табиблары инвалид балаларны кайгырта

Коррекцион мәктәп-интернатта стационар стоматология кабинеты ачылды.

Мөмкинлекләре чикләнгән кечкенә пациентлар мәктәптә теш табибына бара алалар. Әлеге мәктәптә терәк-хәрәкәт аппараты авырулы балалар белем ала, дәвалана. Әлмәт шәһәр стоматология поликлиникасы "ЛУКОЙЛ" хәйрия оешмасы, "РИТЭК" оешмалары үткәргән социаль-мәдәни проектлар конкурсының "Милосердие" ("Мәрхәмәт") номинациясендә 500 мең сум грант откан. Стоматология кабинеты нәкъ менә шушы проект ярдәмендә эшли башлый.

Күчереп йөртелә торган стамотология җиһазлары мәктәп-интернатның бөтен балалары да теш табибында дәвалангач, Әлмәт балалар йортына күчереләчәк.

Шулай ук хәрәкәтләре чикле һәм йөри алмый торган инвалид балалар өчен дә яңа стоматология җиһазлары кайтару планлаштырыла.

Теги: 250
Нравится
Поделиться:
Реклама
Комментарии (0)
Реклама
  • 30 ноября 2017 - 10:40
    Безопасные и качественные дороги
  • 24 ноября 2017 - 23:20
    Государственные языки
Ночной режим