Мәдәният. Сәнгать
Әлмәтлене Түбән Новгородта күрсәтәләр
Татарстанда төшерелгән кинокартинаны өч авыл Мәдәният йортларында тамаша кылырга мөмкин
Бүген Түбән Новгород өлкәсенең Олы Рбишча авылында Туфан Миңнуллин пьесасы буенча төшерелгән "Мулла" фильмы күрсәтеләчәк. Бу хакта социаль челтәрдәге "Без Сергач якларыннан" төркеме хәбәр итә.
Кичә, 16 майда фильмны Сергач халкы тамаша кылган. Иртәгә, 18 майда, "Мулла" кинокартинасын Уразавыл тамашачысына тәкъдим итәчәкләр.
Тулы метражлы нәфис фильм татар телендә, русча субтитрлар белән эшләнгән. Ул Туфан Миңнуллин әсәре буенча Татарстанда төшерелгән. "Мулла"да рольләрнең берсен танылган артист Марат Бәшәров башкара. Режиссеры - Рамил Фазлыев.
Следите за самым важным и интересным в Telegram-каналеТатмедиа