Әлмәт таңнары

Әлмәт районы

18+
2024 - Гаилә елы
Мәдәният. Сәнгать

Киләсе елда республика прокатына чыгачак татар фильмнары билгеле

"Әпипә", "Яу", "Инсаф", "Остазбикә" фильмнары республика прокатын күздә тотып төшерелгән.

Киләсе 2019 елда Татарстанда “Остазбикә”, “Әпипә”, “Яу”, “Инсаф” фильмнары прокатка чыгачак. Бу хакта бүген журналистлар белән очрашу вакытында Миләүшә Айтуганова әйтте.

“Әпипә” – Миләүшә Айтуганованың эстрада артистлары белән эшләгән продюсерлык проекты. Мюзиклның режиссеры – Илшат Рәхимбай. Фильмда Элвин Грей да төшкән.

“Остазбикә” – Гаяз Исхакыйның шул исемдәге әсәре буенча куелган кыска метражлы фильм. Продюсер – Миләүшә Айтуганова. Режиссер – Ренат Кәримов. Төп рольләрдә - Әлмәт театрының иң популяр артистлары – Мәдинә Гайнуллина һәм Динар Хөснетдинов.

“Яу” – сатирик тарихи фильм. Режиссер Айдар Габдрахманов эше. Рольләрдә – драма һәм эстрада артистлары. Фильм “Мунча ташы” артистларын төп рольләргә алып, әлеге юмор театры тамашачысын күздә тотып төшерелгән

“Инсаф” – режиссер Фәрит Дәүләтшин белән продюсер Наталья Топал тандемыннан туган фильм. Кинокартина Рабит Батулланың “Кичер мине, әнкәй” пьесасы буенча төшерелгән. Рольләрдә – Кариев театры артистлары.

Әлеге фильмнар республика прокатын күздә тотып төшерелгән. Алар чагыштырмача зур акча эшләнмәгән һәм авторлары аларның үз бәясен аклавына өметләнә.

Фильмнар татар телендә төшерелгән.

 

Фото: Салават Камалетдинов

 https://tatar-inform.tatar

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса