Әлмәт таңнары

Татарстанда дүртенче каттан егылып төшкән ике яшьлек бала бик авыр хәлдә

Җирдә яткан баланы күргән узып баручылар ашыгыч ярдәм машинасын чакырткан.

Түбән Камада бер йортның дүртенче катындагы фатир тәрәзәсеннән егылып төшкән ике яшьлек бала бик авыр хәлдә. Бу хакта «Татар-информ»га Татарстан сәламәтлек саклау министрлыгының матбугат хезмәтендә хәбәр иттеләр.

«Бала Түбән Кама балалар шәһәр хастаханәсенең реанимация бүлегендә бик авыр хәлдә. Хәле авыр булу сәбәпле, оператив чара үткәрелми», - дип хәбәр иттеләр Татарстан Сәламәтлек саклау министрлыгы матбугат хезмәтендә.

Билгеле булганча, агентлыкка шәхси чыганаклар хәбәр итүенчә, вакыйга урынына ашыгыч ярдәм машинасын җирдә яткан баланы күргән узып баручылар чакырткан. Әнисе соңрак бала документлары белән хастаханәгә килә.

Фото:https://pixabay.com

https://tatar-inform.tatar

Нравится
Поделиться:
Реклама
Комментарии (0)
Осталось символов: