Әлмәт таңнары

Әлмәттә бер яшь парга 12 ел төрмә яный

Әлмәттәге яшь парга наркотиклар саткан өчен 12 елга кадәр колония яный, дип хәбәр иттеләр ТР буенча Эчке эшләр министрлыгының матбугат хезмәтендә.

33 яшьлек ир-атны һәм 21 яшьлек кызны Красноармейка бистәсендә тоткарлыйлар. Анда алар “синтетика”ны яшерү урыннарын билгеләгән булалар.

Тентү барышында 50 грамм тирәсе метилэфедрон табып алына. Фатирда шулай ук  үлчәүләр, төрү өчен материаллар һәм  пакетларга бүлеп салынмаган наркотик та була. Тоткарланучылар кулга алына, ә полиция хезмәткәрләре  парга тыелган матдәләрнең кайдан алуларын ачыклый.Әлеге факт буенча җинаять эше кузгатылды. Тоткарланучыларга 12 елга кадәр ирегеннән мәхрүм ителү куркынычы яный.

Фото: 16.мвд.рф

 

Нравится
Поделиться:
Реклама
Комментарии (0)
Осталось символов: