Әлмәт таңнары

Әлмәт районында түбәсе янган йортта ир-ат мәете табылган

Янгын Кәләй авылындагы йортта булган.

Әлмәт районында түбәсе янып беткән йортта ир-ат мәетен тапканнар. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Кәләй авылында янгын кичә төн уртасында чыккан. Урынга полиция, медицина хезмәкәрләре, авария хезмәтләре һәм 65, 9, 15нче янгын сүндерүчеләре оператив рәвештә килеп җиткән.

Күршеләре янгын сүндерүчеләргә йорт хуҗасының өй эчендә калган булу ихтималын әйткән.

Янгын сүндерүчеләр утны ун минут эчендә сүндергән. Эзләү барышында идәндә аңсыз яткан 60 яшьлек ирне тапканнар. Табиблар аның үлемен раслаган.

Ут йорт түбәсен юкка чыгарган, өлешчә стеналар янган. Башлангыч фаразлар буенча, янгынның сәбәбе - ут белән саксыз эш итү.


 

 

Фото: ГУ МЧС России по РТ

 https://tatar-inform.tatar

Нравится
Поделиться:
Реклама
Комментарии (0)
Осталось символов: