Әлмәт таңнары

Күзләр — күңел көзгесе

Компьютер каршында озак утыручылар күзләре турында аеруча кайгыртырга тиеш

Көн дәвамында күзләрдәге киеренкелекне һәм аруны бетерүче күнегүләр ясау мөһим. 

* Күзләрегезне еш-еш ачып йомыгыз.
* Башта — алга, аннары бераз вакыт түшәмгә карагыз. 
* Беразга тоткарлангач, күз карашыгызны идәнгә күчерегез һәм тагын бераз карап торыгыз. Башыгызны хәрәкәтләндермәгез.
* Башыгызны бормыйча, башта — сулга, аннары уңга карагыз.
* Сәгать йөреше уңаена һәм каршы якка таба күзлә­регезне әйләндерегез.
* Алга карагыз. Күз карашыгыз белән аркылыга “сигезле” рәсемен ясагыз. Күнегүне — әле бер, әле икенче якка берничә тапкыр кабатлагыз. 
* Каләм тотып, кулыгызны күз биеклегендә алга сузыгыз һәм каләмгә карагыз. Кулыгызны акрын гына башта — уңга, аннары сулга күчерегез, шул вакытта каләмнән карашыгызны алмагыз.
* Тәрәзә янына килеп, еракка карагыз, ә аннары карашыгызны борын очына күчерегез. Күнегүне берничә тапкыр кабатлагыз. 
* Күзләрегезне берничә тапкыр бик нык кысыгыз һәм барлык киеренкелекне бетерегез дә 20-30 секунд күзләрегезне йомып утырыгыз.

https://kiziltan.rbsmi.ru

Реклама
Нравится
Поделиться:
Реклама
Комментарии (0)
Осталось символов: