Әлмәт таңнары

Дару урынына кипкән йөзем ашагыз!

Кипкән йөземне тәмле ризык буларак кына түгел, ә дару буларак та кулланырга мөмкин.

Сару кайнап азаплаганда акрын гына 5-6 кипкән йөзем чәйнәгез, хәлегез яхшырыр.
Кипкән йөзем бавырны чистартырга да ярдәм итә. Моның өчен ярты стакан кипкән йөземне юыгыз. Аннары стакан тулганчы яңа кайнап чыккан су салып, тастымал белән каплап төнәтегез. Иртән ач карынга төнәтмәне эчеп, йөземне ашагыз. Шулай ай дәвамында 2-3 көн саен дәваланыгыз.

Бөердән ташларны чыгару өчен кипкән кара йөзем кирәк булачак. Йөземне ярып, аңа бөртекле кара борыч куегыз да иртән ач карынга чәйнәп йотыгыз, артыннан су эчегез.

1нче көнне шундый йөземне — бер, икенче көнне икене ашагыз. Исәпне әлеге тәртиптә арттыра барып, йөземнәр санын 10га җиткерегез. Аннары көн саен 1гә киметегез. Шуннан соң 3 көн бәвел кудыргыч дарулар кабул иткәч, янә алда язылганча дәваланыгыз. Тагын 3 көн бәвел кудыргыч дарулар эчегез һәм 3нче, соңгы тапкыр, йөзем белән дәваланыгыз. Ташлар акрынлап эреп, бәвел белән чыгачак.

Шулай да дәваланыр алдыннан табиб белән киңәшләшегез, чөнки болай дәвалану һәркемгә дә килешмәскә мөмкин.


Фото: pixabay

https://kiziltan.rbsmi.ru

Нравится
Поделиться:
Реклама
Комментарии (0)
Осталось символов: