Зыян күрүчеләр ризасызлык белдерә

МЧСның Әлмәт муниципаль районындагы идарәсе начальнигы Валерий Грезнев тагын бер кат су басуның сәбәбен аңлатты. Район башкарма комитеты җитәкчесенең икътисад буенча урынбасары Сергей Дудкин матди ярдәмнең хөкүмәт карарына таянып күрсәтелүен җиткерде, сорауларга җавап бирде. Зыян күрүчеләр үз чиратында компенсация күләменә ризасызлык белдерделәр. Йортларда теркәлмәгән милекчеләр дә матди ярдәм күрсәтүләрен таләп иттеләр. Җыелыш барышында яшәүчеләр мәнфәгатьләрен муниципаль һәм дәүләт власте органнарына җиткерү өчен инициатив төркем төзү һәм депутатларга, шәһәр предприятиеләренә ярдәм сорап мөрәҗәгать итү турындагы карарга килделәр.