Үзебезнең бәрәңгене генә ашый башлаячакбыз
Авыл хуҗалыгы һәм азык-төлек министрлыгы авыл хуҗалыгы предприятиеләренә бәрәңге үстерергә киңәш итә.
Узган ел икенче икмәк 72,7 мең гектарда игелгән. Шуның 6,6 мең гектарын кешеләр үз бакчаларында үстергән. Барлыгы 1,3 миллион тонна бәрәңге җыеп алынган. Татарстан бәрәңгесе Россия төбәкләрендә дә сатылган, бездә дә чит төбәкләрдән кертелгән. Министрлык читтән сатып алганчы үзебездә кирәкле кадәр үстерергә тәкъдим итә. Тагын бер сәбәп - бәрәңгегә бәяләр артты һәм аның белән шөгыльләнүчеләр яхшы керем ала башлады.
Следите за самым важным и интересным в Telegram-каналеТатмедиа