Җәмгыять
Юлларда тагын ике кешенең гомере өзелде
Бүген иртәнге сәгать өч тирәсендә Актаныш-Аишево-Казкеево юлында инеш өстендәге күпердә коточкыч юл-транспорт вакыйгасы булды.
Авариядә гаепле күпердә каршы як хәрәкәт полосасына чыга һәм каршыга килүче машина белән бәрелешә. Руль артына машина йөртергә хокук бирүче документы булмаган 18 яшьлек егет утырган була. Бәрелешкәндә машинаның спидометры 180 км/сәгатьтә туктап кала. Бу егетнең зур тизлектә баруын күрсәтә. Куркынычсызлык каешын эләктермәгән шофер һәм аның пассажиры (хатын-кыз) урында ук һәлак була. Ә "Лада-Гранта"дагы дүрт кеше дә имгәнүләр алып шифаханәгә озатыла.
Следите за самым важным и интересным в Telegram-каналеТатмедиа