Воронежда бер эшмәкәр коллар тоткан

Ул акчалы эш бирү белән кызыктырып, ирләрне алдап, авылдагы фермасына алып кайта торган булган. Аннары аларны кыйнап эшләткән, авылдан чыгармаган.Качып китәргә уйлаган бер эшчене сакчылар бик нык кыйнаганнар, аңын югалткач, куркып, хастаханәгә илтеп куйганнар. Эшчене реанимациядә дәвалаганнар. Ул медиклар чакырткан полиция хезмәткәрләренә барысын да сөйләгән. Эшмәкәрне кулга алганнар, аның фермасында 19 кол хәлендә яшәгән эшче табылган. Эшмәкәр 4 елга ирегеннән мәхрүм ителгән.