Тыелган сайтларның бердәм реестры эшли башлады
Роскомнадзор халыктан тыелган сайтларның бердәм реестрына өстәү өчен 3,5 мең гариза алган. Шуларның 1,5 меңе кире кагылган. Бу - реестрының бенече 20 сәгать дәвамында эш нәтиҗәсе.
Россия территориясендә таралу тыелган мәгълүматларны үз эченә алган сайтларның бердәм реестры zapret-info.gov.ru адресы буенча 2012 елның 1 ноябреннән эшли башлады. Биредә шикаятьне бирү формасы күрсәтелгән. Тыелганнарга беренче чиратта балалар катнашында порнография, үз-үзеңә кул салу, наркотик матдәләр ясау буенча киңәшләр бирелгән сайтлар карый.
Аннан шунысы да бар, "Кара исемлек" кә кертелгән нинди дә булса аерым сайтны карап булса да, аларның тулы исемлеге белән кызыксыну мөмкин эш түгел.
РИА Новости материалы буенча
Следите за самым важным и интересным в Telegram-каналеТатмедиа
