Тере посылка
Мексика таможнясында бу көннәрдә искиткеч вакыйга булган. Тикшерүче эт бер посылка салынган пластик контейнер янында озак иснәнеп тора, китми. Тартманы ачкач, кешеләр шакката: анда юлбарыс баласы утырган була.
Тынычландыручы бик күп дару эчергәнлектән, бичара җәнлек тыныч утырган, тавыш чыгармаган. Аның организмының сусызланган булуы да ачыкланган. Сәер посылка “эчлеген” Җәнлекләрне коткару үзәгенә озатканнар, ә аны салучыны һәм алырга тиешле кешеләрне эзли башлаганнар.
Следите за самым важным и интересным в Telegram-каналеТатмедиа