Татарстанда тавыш бирү өчен участок эзләү буенча Россиядә беренче телеграм-бот эшли башлады

ТР Үзәк сайлау комиссиясе Telegram мессенджеры аша тавыш бирү өчен участок табарга ярдәм итүче «Минем сайлау участогы» чат-ботын эшләтеп җибәрде. Бу Россиядә мондый беренче сервис һәм ул Татарстан халкына гына исәпләнгән. Бу хакта Татарстан Үзәк сайлау комиссиясе рәисе Андрей Кондратьев хәбәр итте:

«Цифрлы технологияләр өлкәсендә Татарстанны хаклы рәвештә алдынгы төбәк дип санарга мөмкин. Узган атнада Роскомнадзор Россиядә Telegramны тулысынча ачты, ә бүген без татарстанлыларга мессенджерны Россия Федерациясе Конституциясен үзгәртү мәсьәләсе буенча тавыш бирү вакытында виртуаль ярдәмче сыйфатында файдаланырга тәкъдим итәбез», — диде Кондратьев.

Ул, чат-бот эше принципларына ачыклык кертү өчен, файдаланучыларга махсус күнекмәләргә ия булырга кирәк түгел, дип ачыклык кертте. «Килеп чыккан сүзләр ориентлашырга ярдәм итә", - дип аңлатты Татарстан Үзәк сайлау комиссиясе рәисе.

Татарстанлылар, сылтама буенча күчеп, бот мөмкинлекләреннән бүген үк файдалана алалар https://t.me/my_cikrt_bot - Сервис виртуаль аралашу принцибы буенча эшли. Бот кулланучыны сәламли һәм якындагы сайлау участогын табарга ярдәм тәкъдим итә. Моның өчен шәһәрне һәм урамны, әйтик, «Казан, Тынычлык урамы» дип кертергә кирәк. Шуннан соң система аерым хәбәрләр рәвешендә әлеге районда урнашкан тавыш бирү өчен барлык мәйданчыкларны тәкъдим итәчәк. Участок адресы язылган табличкага басып, кулланучы сайлау комиссиясенең адресын һәм телефоннарын үз эченә алган тулы мәгълүмат ала.

«РФ Конституциясен үзгәртү мәсьәләсе буенча гомумроссия тавыш бирүне уздыру чорында чат-бот актуаль технологик карарга әверелә. Элегрәк сайлау участогын онлайн-эзләүне Россия Үзәк сайлау комитеты сайтында гына карарга була иде. Әмма анда система җентекле мәгълүмат таләп итә. Бу очракта Telegram белән барысы да максималь гади - бары тик шәһәр һәм урам. Өстәвенә, участок буенча мәгълүматны теләсә кайсы вакытта соратып алырга мөмкин, чат-бот һәрвакыт элемтәдә», — дип аңлатты Андрей Кондратьев.

Бот эшчәнлеге өчен Telegram мессенджерын сайлау очраклы түгел. Ул смартфон кулланучылар арасында аралашу өчен иң популяр кушымталар бишлегенә керә. Якын арада Telegram кулланучылар саны артыр дип көтелә, чөнки 18 июньдә Роскомнадзор Россиядә мессенджер эшенә барлык чикләүләрне бетергән.