Татарстанда бензин сыйфатын ФАР тикшерәчәк
Россия автомобиль хуҗалары федерациясе (ФАР) татарстанлыларны автоягулык станцияләренең Бөтенроссия карта-рейтингын төзүдә катнашырга чакыра.
Рәсми тикшерүче инстанцияләр мәгълүматларына караганда, Татарстанда сыйфатсыз бензин юк. Ә автомобиль хулары моның киресен раслый. Шуңа да ФАР начар сыйфатлы бензин сатыла торган АЗСларны ачыклау максатында эш алып бара. Бу эш ел башында Мәскәүдән башланган булган. Ә Татарстан картасында әлегә заправка урыннары гына билгеләнеп чыккан. Шоферлар карта белән «Мониторинг АЗС» веб-кушымтасында таныша ала. Проектта катнашу мөмкинлеге 1 октябрьдән тудырыла. Бензинның сыйфаты ошап бетмәгән заправка турында сайтка мөрәҗәгать итүгә, ФАР «контролерлары» күрсәтелгән адрес буенча килеп тә җитәчәк. Алар «сигнал» буенча гына түгел, үз инициативалары белән дә килә ала.
Следите за самым важным и интересным в Telegram-каналеТатмедиа