Татарстан Президенты уңышлы төбәк җитәкчеләре исемлегендә – беренче урында
Татарстан Президенты Рөстәм Миңнеханов Югары икътисад мәктәбе белән икътисадый һәм сәяси коммуникацияләр агентлыгы төзегән уңышлы төбәк җитәкчеләре исемлегендә беренче урынга чыккан.
Икенче урынны - Мәскәү мэры Сергей Собянин, өченчене Кемерово өлкәсе губернаторы Аман Тулеев алган.
Тикшерү нәтиҗәләреннән күренгәнчә, Миңнехановның беренче урынга чыгуына икътисадый өлкәдәге уңышлары сәбәп булган. Ул бу юнәлештә - беренче урында. Социаль өлкәдә башкарылган эшләр буенча беренчелекне Самара өлкәсе башлыгы Николай Меркушин алган, Миңнеханов икенчегә урнашкан. Сәяси күрсәткечләр буенча беренче урында - Чечня җитәкчесе Рамзан Кадыйров, икенчедә - Төмән өлкәсе губернаторы Владимир Якушев. Татарстан Президенты - өченче баскычта.
Следите за самым важным и интересным в Telegram-каналеТатмедиа