Шәһәрнең 5 нче гимназиясендә еллык хәйрия ярминкәсе булды

Анда барлык сыйныфлардан укучылар, ата-аналар һәм педагоглар катнашты. Хәйрия ярминкәсенә кулдан ясалган сувенирлар, тәм-төмнәр, китаплар һәм уенчыклар, кием-салым әзерләнгән иде. Ярминкә барышында укучылар концерт номерлары күрсәттеләр.
Барлык әйберләрне сатудан 34286 сум акча җыелды. Бу акча Җәлил бистәсендәге картлар йорты һәм гимназия ятимнәре файдасына тотылачак.