Педагогик отрядларның IV республика фестивалендә Әлмәт студентлары да катнашты

Анда балаларның сәламәтлек лагерьларында вожатыйлар, педагог-оештыручылар, физкультура һәм туризм буенча инструкторлар, сәнгать җитәкчеләре булып эшләгән студентлар катнашты. Безнең шәһәрдән фестивальгә нефть институты, АГИМС һәм "ТИСБИ" филиалы студентлары барды. Якташларыбыз бәйгеләрдә, мастер-классларда, вожатыйлар концертларында һәм башкаларда да актив катнашты. Алар фестивальдән тәҗрибә уртаклашып кайтуларын да җиткерделәр.