Нефть продуктлары төягән баржа төпкә утырган

Россия Гадәттән тыш хәлләр министрлыгының Татарстан буенча Баш идарәсе матбугат хезмәте белдергәнчә, Алексеевск районы турысында Кама елгасында 1476 км арада баржаның төпкә утыруы турындагы хәбәр 18 майда төнге сәгать 2 дә килгән.

Комга терәлү нәтиҗәсендә корпуска зыян килмәгән. Шулай ук зыян күрүчеләр һәм үлүчеләр юк.

Баржадан нефть продуктын насос станциясе суырта.