Әлмәт таңнары

Наил Маганов "кара сишәмбе"не ничек кабул иткән?

"Татнефть" ААҖ генераль директоры Наил Маганов ел ахырында халыкның телевизор, суыткычлар сатып алуын зур ялгышу дип атады.

Бу хакта ул матбугат конференциясендә белдерде.

Реклама

- Наил Өлфәтович, "кара сишәмбе"не сез ничек кабул иттегез? Халык телевизор, суыткычлар алырга кибетләргә ашыкты. Бәлки сез дә берәр машина сатып алгансыздыр?

- Мин долларга күчмәдем, чөнки вакыт узгач, барысы да үз урынына кайтачагын беләм. Беренче кризис түгел. Имеш-мимеш. Кем аларны тарата? Банклар - халык үзе аларга китте. Кибет хуҗалары - халык алар коткысына бирелде. Коллективта барысын да тынычландырдык, нефтьчеләр буларак без барысын да аңлыйбыз: илгә күпме валюта китергәнне, чыгымнарны, илнең уңай түләү балансы барлыгын. Мондый очракларда кешеләргә берләшергә кирәк, чыгымнарны киметергә. Ә бездә киресенчә, телевизорлар, машина алырга йөгерделәр. Сәүдәгәрләр исә отты гына. Ә халык хәзер 5 әр телевизорны нишләтергә белмәячәк. Мин алар урынында булсам, валюта облигацияләре сатып алыр идем, файдасы күбрәк булыр иде.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: