Әлмәттә тычканнар һәм талпаннар һөҗүм итә
Көз көне бакчачыларның эш-мәшәкатьләре күп чоры. Кайчакларда саклык та онытылып китә.
Роспотребнадзор идарәсенең Әлмәт территориаль бүлеге җитәкчесе урынбасары Ирина Хәйруллина билгеләп үткәнчә, шәһәрдә һәм районда көзгә аяк басу белән геморрагик бизгәк йоктыру очраклары арта башлаган. Узган атнада гына өч очрак теркәлгән. "Кешеләр хәзер гөмбәгә урманга йөриләр, бакчаларын кышка әзерләп калдыралар, тычкан чирен йоктыру ихтималы хакында оныталар", - диде ул. Шулай ук талпан кадалу очраклары да арткан. Үткән атнада биш кеше медицина ярдәме сорап мөрәҗәгать иткән. Талпан "Вишенка" бакчачылык ширкәтендә, Яңа Кәшер, Нәдердәге бакчаларда булганда кадалган.
Следите за самым важным и интересным в Telegram-каналеТатмедиа
Оставляйте реакции
