Әлмәттә эшмәкәрлекне үстерү буенча җәмәгать cоветы оештырылды

Башкарма комитет каршында оешкан эшмәкәрлекне үстерү буенча җәмәгать советы муниципаль берәмлек һәм эшмәкәрләр арасында үзенә күрә бер күпер, бәйләүче звено булып хезмәт итәчәк. Әгъзалар советның рәисен (председателен) дә сайлады. Ул - "Би Компани - Сервис" оешмасы директоры Александр Ильин. Шулай ук утырышта катнашучылар җәмәгать советының положениесе (кагыйдәләре) белән дә танышты. Әмма аны икенче утырышта гына кабул итәргә дигән нәтиҗәгә килделәр.