Әлмәттә 6 нчы маршрут ачылды
Пассажирлар ташу сыйфатын яхшырту максатларында «Әлмәт транспорт идарәсе» МУП троллейбус маршрутлары хәрәкәт схемасына бераз үзгәрешләр кертте.
2014 елның 1 декабреннән сынау шартларында яңа, 6 нчы маршрут ачылды. Ул «ТНГП» белән «Радиоприбор» заводы арасында йөри. 6 нчы маршрутта троллейбуслар хәрәкәте эш көннәрендә (дүшәмбедән җомгага кадәр) түбәндәге юнәлеш буенча тормышка ашырыла: ТНГП - Геофизическая - РТС - Герцен - Ленин - Төзүчеләр пр. - «Радиоприбор» һәм кирегә таба.
Эш көннәрендә 4 нче «РТС - Радиоприбор» маршруты буенча троллейбуслар хәрәкәте туктатылып тора.
Ял көннәрендә (шимбә, якшәмбе) троллейбуслар хәрәкәте гамәлдәге 4 нче «РТС - Радиоприбор» маршруты буенча тормышка ашырылачак.
Сорау зур булган очракта 6 нчы маршрут даимигә әйләнәчәк.
Следите за самым важным и интересным в Telegram-каналеТатмедиа