Җәмгыять
Әлмәтлеләр Мисырга берничә ел бара алмаячак
Россия самолетларының Мисырга очуын тоткарлау берничә елга сузылырга мөмкин.
Бу хакта хөкүмәт аппараты чыганагына сылтама ясап, "Коммерсант" хәбәр итә.
-Мисырга очышны тыю кертелде һәм ул берничә айга гына түгел, ә еллар буе шулай булачак, - дип хәбәр ителгән хөкүмәттә. Әйтүләренә караганда, мондый тыюлар киләчәктә башка илләргә карата да кертелергә мөмкин.
Мәгълүм булганча, узган җомга көнне Президент Владимир Путин Россия авиациясенең Мисырга очуларын туктатырга йөкләде. Хәзерге вакытта "Казан" һәм "Бегишево" аэропортларыннан рейслар туктатылган.
Следите за самым важным и интересным в Telegram-каналеТатмедиа