Әлмәтлеләр – “кара исемлектә”

Татарстан үлемгә китергән эш урыннарында имгәнү буенча Идел буе федераль округында лидер булып кала бирә. Дәүләт хезмәт инспекциясе мәгълүматларына караганда узган ел производствода 103 кеше имгәнгән. Һәлак булучылар күп теркәлгән районнар арасында Әлмәт тә бар. Быелның 3 аенда гына да эш урыннарында 24 кешенең гомере өзелгән. Хезмәтне саклау һәм эш шартларын бозган өчен узган ел 97, быел беренче кварталда 20 җинаять эше кузгатылган. 13 урындагы зат һәм хезмәткәр ирегеннән мәхрүм ителгән, бер кеше төзәтү эшләренә җибәрелгән. Шулай ук башка төрле административ чаралар кулланылган.