Әлмәткә ягулык ташучы машина йөртүче ришвәт бирүдә гаепләнә

Кстов шәһәреннән Әлмәткә ягулык илтүче автомашинаны патруль-пост хезмәте йөк авырлыгының билгеләнгән чикләүләргә туры килмәве сәбәпле туктата. Административ җаваплылыкка тарту ихтималын кисәтү максатында машина йөртүче ДПС хезмәткәрләренә 2 мең сум күләмендә акча төртергә уйлый. Хәзерге вакытта оператив-тикшерү чаралары уза, җинаять эшен тикшерү дәвам итә.