Әлмәт прокуратурасы таләп итте

ТР буенча ЮХИДИ идарәсенең юл күзәтчелеге бүлеге белгечләре тикшерү үткәргәндә Кәләй авыл җирлегенең Сабанчы авылында Солтанов, Дачная, Лесная, Яббаров урамнарында юл өслегенең ГОСТ таләпләренә җавап бирмәвен ачыклыйлар. Юллар чокыр-чакырлы, өстәвенә урамнар яктыртылмый, юллар чистартылмый. Прокуратура җирлек башлыгы адресына күрсәтмә чыгарып, әлеге җитешсезлекләрне бетерүләрен, гаеплеләрне дисциплинар җавапка тартуларын таләп итә.