Әлмәт паркында бәйрәм концерты узды [+ФОТОЛАР]

Программада җырлар, биюләр һәм мастер класслар каралган иде. Анда килгән бер генә кешенең дә моңаерга вакыты булмады: зурлар дөнья мәшәкатьләрен онытып җырлар тыңлады, ә кечкенәләр кызыклы уеннар уйнады һәм парк символын  аңлаткан « Каркуша»ны ясадылар.

- Бу чара балалар өчен  бик файдалы һәм кирәкле дип саныйм мин. Заманча  балалар көне буе  интернет челтәрендә утыралар һәм тере аралашуның нәрсә икәнен онытып бетерәләр инде. Ә әлеге чарада алар тату гына уеннар уйный, төрле конкурсларда катнаша. Мин  үзем бер генә чараны да калдырмаска тырышам. Программа  бик мавыктыргыч һәм күңелле. Кыскасы, мин барысыннан да канәгать,  - дип фикерләре белән уртаклашты тамашачы Аяз абый.

Бәйрәм программасының бик җылы узуы һава шартлары турында онытырга мәҗбүр итте. Барчасы да рәхәтләнеп күңел ачты.

Фәхриева Гөлназ

Автор фотолары