Әлмәт Хатын-кызлар берлеге Мәдәният идарәсе белән берлектә сугышта катнашкан хатын-кызларны бәйрәм белән тәбрик итте

Таисия Васильевна Логинова, Елизавета Дмитриевна Макарова, ТАССРның халык артисткасы, Әлмәт шәһәренең Мактаулы гражданины, Кызыл Йолдыз Ордены иясе Зәкия Хафизовна Туишевалар башка хатын-кызлар белән беррәттән сугышның бөтен авырлыгын үз җилкәләрендә күтәргән. Туган якларына исән-имин әйләнеп кайткан гүзәл затлар сугыштан соң илне торгызуга үз өлешләрен керткән, лаеклы тормыш юлы узган. Өлкән яшьтә булуларына да карамастан, алар бүген яшь буында патриотик хисләр тәрбияләүдә ярдәм кулы сузалар.