Әлмәт егете “Москвич”тан “Ламборджини” ясаган

Моның өчен ул ике ел элек Интернет челтәре аша махсус эзләп, барлык детальләре дә канәгатьләндерерлек рәвештә булган 1981 елгы "Москвич" машинасын эзләп тапкан.

- Автомобильнең Казан тирәсендәге авылларның берсендә яшәгән элеккеге хуҗасы аны бик әйбәт тоткан, күрәсең, эчке "әгъзаларын" алыштырырга туры килмәде, - ди Андрей.

Шулай да Әлмәт "Кулибин"ы "Москвичны" тыштан танымаслык итеп үзгәртә. Беренчедән, аркы ишекләрен кечерәйтеп ачылмаслык итеп ябыштыра. Икенчедән, алгы ишекләренә "ламбомеханизм" дип аталучы махсус җайланма куйдырып зурайта. Тагын ул аның капотына көзгеләр урнаштыра, тюнинг өлкәсендә дә зур тырышлык куя. Шулай итеп, бер ел ярым эчендә эшләп бетереп хәзер инде дүртенче көн тирә-юньдәгеләрне шаккаттырып шәһәр урамнарын иңли.

Рәдифә Ногманова

Автор фотолары