Өлкәннәр көнен каршылап

Ул бер генә өлкәннең дә игътибардан читтә калырга тиеш түгеллеген ассызыклады. Өлкәннәр көне уңаеннан ТОСМСларда ял кичәләре, медицина учреждениеләрендә пенсионерларны тикшерүләр, әти-әниләргә ярдәм итү көне, "Көзге игелек атнасы" һәм башка чаралар уздыру планлаштырылган. Музейда Ачык ишекләр көне, 70 пенсионер өчен "Интернет - озын гомер" программасы кысаларында компьютер грамотасына өйрәтү оештырылачак, спорт ярышлары үткәреләчәк. Быел да 1 октябрьдә чәчтарашларда бушлай хезмәт күрсәтүләр булачак. Өлкәннәр көненә багышланган тантаналы җыелыш 1 октябрьдә Яшьләр үзәгендә уздырыла.