Күпердән сикергән кыз әлмәтле булып чыккан?

Кичә таң белән Миллениум күпереннән сикергән кызның танышлары аның Әлмәттән 27 яшьлек Роза исемле кыз булуын әйтә.

Кызның күпердән сикерергә маташуы турында хәбәр МЧСка төнге сәгать 3 тә килеп ирешә. Ярдәм службалары шунда ук урынга барып җитә. Кызны үгетләп карыйлар. Әмма файдасы булмый. 25 метр биеклектән килеп төшкән кыз «тормыш кубы» дип аталучы батутның читенә эләгә. 4 сәгать 20 минутта ашыгыч ярдәм машинасында аның гомере өзелә. Үз-үзенә кул салу сәбәбе мәгълүм түгел. Рәсми булмаган фаразларга караганда, аның җавапсыз мәхәббәт булуы мөмкин.

Хәзерге вакытта фаҗигагә китергән сәбәпләрне ачыклау бара.