МФЦ зыян күргән паспорт буенча хезмәт күрсәтми
МФЦ аша хезмәт алу өчен РФ гражданины паспорты кирәк. Әгәр паспортның вакыты чыккан булса (документны алыштыру вакыты коронавирус пандемиясе сәбәпле күчерелгән очраклардан тыш), гаризалар кабул ителми.
МФЦ хезмәткәрләре законны бозарга хокуклы түгел, шуңа күрә паспортны вакытында алыштырырга кирәк.
Паспортта, гадәттә, язулары һәм штамплар укылмаслык булса, ул бозылган дип санала.
Тик шуны истә тотарга кирәк, кайбер очракларда, мәсәлән, паспорт янган булса, яки этләрдән зыян күрсә, ягъни чәйнәлгән очракта, паспорт югалган дип санала. Бу очракта аны МФЦ аша алыштыру мөмкин түгел. Алмаштыруны сорап турыдан-туры эчке миграция мәсьәләләре буенча бүлекләргә мөрәҗәгать итәргә кирәк.
Следите за самым важным и интересным в Telegram-каналеТатмедиа