Күчмә мәшгульлек үзәге “Орленок” лагеренда
Әлмәт укучыларына профессиональ юнәлеш күрсәтүнең бер пункты - күчмә мәшгульлек үзәге ярдәмендә сәламәтләндерү лагерьларында хезмәт күрсәтү.
Татарстан предприятиеләрендә инженерлар һәм эшчеләр җитешмәгән хәзерге шартларда бу бигрәк тә мөһим. Каникул чоры булуга карамастан, 14-15 яшьлек үсмерләр өчен профессияне дөрес сайлау проблемасы акуаль килеш кала.
Шул уңайдан күчмә мәшгульлек үзәге "Орленок" сәламәтләндерү лагерена барды. Лагерьның 1 нче отрядындагы 15 балага хезмәт күрсәтелде. Балалар Голланд методикасы буенча компьютерда тест үттеләр.
Июль-август айларында күчмә мәшгульлек үзәге Әлмәт районындагы башка лагерьларга һәм балалар санаторийларына да барырга ниятли.
Следите за самым важным и интересным в Telegram-каналеТатмедиа
Оставляйте реакции
