«Фәйзрахманчыларны» йортларыннан куып чыгарганнар

Бу хакта Суд приставлары федераль хезмәтенең ТР буенча идарәсе матбугат хезмәте хәбәр итә.

Үткән елның февралендә Казанның Совет районы суды әлеге дини төркемне экстремизм юнәлешендәге дип тапты һәм аның эшчәнлеген тыйды. Ә ноябрьдә әлеге суд бу төркем вәкилләрен йорттан куып чыгару турында карар кабул итте.

Йорттан чыгару эше эчке эшләр министрлыгы, федераль куркынычсызлык хезмәте идарәсе һәм гадәттән тыш хәлләр министрлыгының Татарстан буенча Баш идарәсе ярдәме белән башкарылды.

Иртән полиция хезмәткәрләре йозакны ватып, тимер капкаларны ача һәм шул рәвешле, суд приставларына территориягә керү мөмкинлеге бирә.

Бу вакытта йортта 15 кеше яши булып чыга.