Фәрит Мөхәммәтшин спикер креслосында кала?

"Бердәм Россия" партиясенең Татарстан төбәк бүлеге сәяси советы секретаре Фәрит Мөхәммәтшин Дәүләт Советы утырышында Татарстан парламенты рәисе вазыйфасына сайлану өчен үз кандидатурасын тәкъдим итәргә планлаштыра. Бу хакта ул журналистларга белдерде. Аның сүзләренчә, парламент сайлауларында җиңгән сәяси партия лидеры спикер вазыйфасына үз кандидатурасын куярга хокуклы.