Әлмәт таңнары

Әлмәттә Ленин урамында чәй скверы барлыкка киләчәк

«Безнең ишегалды» һәм «Уңайлы шәһәр тирәлеген формалаштыру» программаларын гамәлгә ашыру Әлмәтне яхшырта.

Пандемия чорында онлайн-режимда уза торган район активы планеркасында район башкарма комитеты җитәкчесенең төзелеш буенча урынбасары Денис Косарев эшләрнең барышы турында сөйләде. Программа ТР Президенты Рөстәм Миңнеханов инициативасы һәм ярдәме белән оештырылды. Аның төп максаты - халыкның теләкләрен исәпкә алып, төзекләндерү таләп итә торган күп фатирлы йортларның ишегалларын ремонтлау. Планда юллар һәм тротуарларның торышын яхшырту, эскәмияләр, балалар мәйданчыклары һәм чүп савытлары өчен җиһазлар урнаштыру, агачлар, куаклар утырту һәм урам утлары урнаштыру.

Барлыгы республика бюджетыннан 2020 елда ишегалларын төзекләндерү өчен 336 млн. сумнан артык акча бүлеп бирелгән. Дүрт ел эчендә Әлмәт районында 532 шәһәр һәм авыл ишегалды ремонтланачак. 2020 елда аларның территориясендә 140 күп фатирлы йортлы 52 Әлмәт ишегалдын төзекләндерү планлаштырыла.

Бу ишегаллары 11 кварталга берләштерелгән: Могҗизалар кыры микрорайоны, 12-нче номерлы мәктәп, автовокзал каршындагы район, мәшгульлек үзәге районы, 1-нче микрорайон, 3-нче микрорайон, 14-нче номерлы мәктәп, балалар поликлиникасы районы, «Гивико» рестораны, «Юлдаш» базары районы.

Программаны оештыручыларга булган үзгәрешләргә халык тарафыннан хуплау алу мөһим, шуңа күрә ремонтка әзерлек этабында ук очрашуларда, воркшопларда барлык план-схемалар турында фикер алышынды. Хәзер идарәче компанияләр халык белән төзекләндерүнең өстәмә детальләрен килештерәләр, мәсәлән, ишегалларында парковка урыннары саны.

Әлмәт шәһәре ишегалларын төзекләндерү 16 майда башланды. Бүгенге көндә Фәхретдин урамы, 37а, Шевченко урамы, 104, 108, Ленин, 115, 117, 119 урамнарындагы ишегалларын төзекләндерү эшләре тәмамланып килә. Ленин, 78, 80, 82, 86, 88, 90, 92, Сөләйманова, 1, 3, Совет, 125, Ленин, 59, 61, 63, Шевченко, 60, 8 Март, 18, Тельман, 28а, Сөләйманова, 22 урамнарындагы ишегалларда эшләр дәвам итә.

Реклама

Денис Косарев билгеләп үткәнчә: "гомуми үтәлеш күләме бүген 15% тәшкил итә, бу җитәрлек түгел. Эшләр күп әле, ә вакыт бик аз калды".

Масштаблы реконструкциянең икенче этабы.

Ленин урамы буенча Чехов урамыннан Тукай проспектына кадәр җәяүлеләр зоналарын төзекләндерү дәвам итә. Әлеге проект Уңайлы шәһәр тирәлеген формалаштыру буенча республика программасы кысаларында тормышка ашырыла. Исегезгә төшерәбез, узган ел Мәрҗәни урамыннан Чехов урамына кадәрге участокны төзекләндергәннәр иде.

Программаның икенче этабы Ленин урамында үзгәрешләр кертүне дәвам итә. Ремонтлана торган тротуарларның яртысыннан артыгы гранит плитка белән капланган инде, 10 бинада фасад алмаштырыла. Урамны ремонтлауны дәвам итү өчен акча республика бюджетыннан бүлеп бирелгән, проектның инвесторы - «Татнефть»компаниясе.

Шәһәрдә бер иҗтимагый киңлеккә күбрәк булачак: 1 060 м2 мәйданлы 12-нче номерлы йорт каршында чәй скверы дигән уңайлы почмак барлыкка киләчәк. Скверда балалар өчен уен мәйданчыгы, күләгә элмәләре булган эскәмияләр, велосипед парковкасы урнашачак. Пространство шарлар рәвешендәге арт-объектлар белән бизәләчәк, шулай ук ландшафтлы яшелләндерү һәм яктырту эшләре башкарылачак. Хәзерге вакытта скверда гранит брусчатка җәю төгәлләнеп килә һәм күләгәдәге элмәләрне монтажлау эшләре бара.

Хәзер программаны оештыручылар алдында Ленин-Тукай киселешендәге искергән светофорларны алыштыру бурычы тора. Шулай ук АГНИ янында студентлар скверын төзекләндерү буенча фикер алышу бара. Ленин урамын төзекләндерү Нефтьчеләр көненә тәмамланырга тиеш.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: