Әлмәтнең 3 нче шәһәр поликлиникасында – яңа баш табиб

Татарстан Республикасы сәламәтлек саклау министрлыгының 722 нче боерыгы буенча, 2014 нче елның 9 апреленнән Әлмәтнең 3 нче поликлиникасының баш табибы булып Габдуллин Айдар Әнәсович билгеләнә.

Айдар Әнәсович 1993 нче елда Казан дәүләт медицина университетын тәмамлаган. 1993 -1994 елларда "хирургия" белгечлеге буенча интернатура үтә. 1994-2005 елларда Сарман район үзәк хастаханәсенең хирургия бүлегендә табиб-хирург булып эшли. 2005 нче елның июлендә Әлмәт бала табу йортына баш табиб булып билгеләнә.

2011 нче елның июленнән Әлмәт шәһәр балалар хастаханәсендә баш табибның урынбасары вазифаларын башкара.