Бөтендөнья татар конгрессы башкарма комитетының Әлмәт оешмасы фикерләште
Әлмәт дәүләт муниципаль хезмәт институтында Бөтендөнья татар конгрессы башкарма комитетының җирле оешмасының бюро утырышы булып узды. Анда Бөтендөнья татар конгрессы башкарма комитетының җирле бүлекчәләре белән эшләү бүлеге җитәкчесе Шәмсия Җиһангирова да катнашты.
Конгрессның Әлмәт оешмасы рәисе Ильяс Салахов алга куелган бурычлар, планнар белән таныштырды. Шулай ук биредә шагыйрә Клара Булатова исемендәге премия лауреатларының "Шушы якта туган җырлар" дигән исем астында чыккан иҗади һәм фәнни эшләр җыентыгын тәкъдир ителде.
Әлмәт оешмасы бюросы әгъзалары да башкарылган эшләр турында сөйләделәр, алда уздырылачак чаралар буенча фикер алыштылар. Утырышта Әлмәт оешмасы эшчәнлегенә уңай бәя бирелде.
Следите за самым важным и интересным в Telegram-каналеТатмедиа