Биш балыкчы Кама елгасында агып киткән

Вакытында килеп җиткән коткаручылар аларны ярты сәгать эчендә көймәләр белән ярга алып чыга алган. Балыкчылар ярдан 200 метр ераклыкта булган. Бүген иртән Кама елгасының төп юлы боздан арына башлаган, сусаклагычта су 8 сантиметрга күтәрелгән, агым көчәйгән. Кисәтүләргә карамастан, балыкчылар куркынычсызлык кагыйдәләрен үтәмәгән, дип хәбәр итәләр Татарстанның Гадәттән тыш хәлләр министрлыгының матбугат хезмәтеннән. Кичә коткаручыларга Кама Тамагы районында Иделдән ике балыкчыны алып чыгарга туры килгән булган.