Бүген Әлмәт укучылары Татарстан Президенты белән очрашты

Очрашу Мәгариф сыйфатын мониторинглауның республика үзәгендә узды, анда шулай ук Татарстан Республикасы вице-премьеры - мәгариф һәм фән министры Энгель Фәттәхов, республиканың иң эре вузлары җитәкчеләре катнашты.

Татарстан Президенты ассызыклаганча, республиканың мәктәп балаларының предметлар буенча олимпиадаларда ил буенча өченче урыннан беренчегә күтәрерлек гайрәте бар. «Олимпиадалар буенча безгә илдә беренче урында булырга кирәк. Безнең моның өчен барысы да бар», - дип ышанып әйтте Рөстәм Миңнеханов.

КФУ ректоры Илшат Гафуров"олимпиадачыларга" республиканың төп вузында махсус шартлар тудырылганы турында хәбәр итте, алар, аерым алганда, беренчел югары белемне кыскартылган срокта тәмамлауны күз алдында тота.

Очрашу ахырында Рөстәм Миңнеханов олимпиадаларда җиңүчеләрне һәм призерларны, остазларын котлады һәм алга таба уңышлар теләде.

«Без халыкара дәрәҗәдә дә үзебезнең белем һәм максатчанлыгыбызны күрсәтербез дип ышанам», - дип әйтте Татарстан Президенты.

Ул укытучылар һәм остазларга бүләкләр һәм Рәхмәт хатлары тапшырды.

Әлмәттән очрашуда рус теленнән олимпиадада җиңгән Аделина Калинина (2 нче лицей), физкультурадан олимпиада призеры Иван Клименко (17 нче мәктәп) һәм аларның укытучылары катнашты.