Җәмгыять
Банан бәлеше
Кирәк: 3-4 банан? 100 грамм катнашмай, 2 йомырка, 1,5 стакан шикәр комы, 2 стакан он, 1 бал калагы камыркүперткеч, 1 бал калагы ванильле шикәр, пычак очында тоз, 150 миллилитр сөт.
Бананнарны әрчеп, чәнечке белән изегез. Йомшарган майга шикәр комы салып, болгаткыч белән туглагыз һәм катнашмага банан измәсен салып, яхшылап болгатыгыз. Сөт, ванилин, шикәр комы, тоз салып, тагын болгатыгыз. Болгаткыч белән туглый-туглый, берәмләп йомырка салыгыз. Иң ахырда он һәм камыркүперткеч салыгыз. Әзер камырны майлы табага салып, 180-190 градуста 30-40 минут пешерегез.
Следите за самым важным и интересным в Telegram-каналеТатмедиа