“Ак барс” уенчысы әлмәтле Артем Лукояновка карата җинаять эше туктатылды
"Ак барс" уенчысы 24 яшьлек Артем Лукоянов һәм аның дусты Максим Груздевларга карата җинаять эше кузгатылган иде.
Алар быелның август аенда Әлмәттәге "Диамант" клубында ведомстводан тыш сак хезмәткәрләренә карата көч куллануда (Россия Җинаятьләр кодексының 318 маддәсе) гаепләнде. Әлмәт шәһәр судында узган беренче утырышка зыян күрүчеләр - Равил Хәиров һәм Илдар Хуҗин килмәде. Һәм ул кичектерелде. Икенче утырышта исә китергән зыянны каплау сәбәпле һәм якларның килешүе нәтиҗәсендә җинаять эшен туктату ихтималы ачыклана. Дәүләт гаепләүчесе - шәһәр прокуроры урынбасары Гүзәлия Сәмигуллина һәммәсенә 100 әр мең сум күләмендә штраф салуны сорый. Суд яклар килешүе сәбәпле җинаять эшен туктатырга дигән карар чыгара.
Следите за самым важным и интересным в Telegram-каналеТатмедиа