Әлмәтлеләр май аенда 13 көн ял итәчәк

Май аенда биш көн эшләүче татарстанлылар 13 көн ял итәчәк. Бу хакта республиканың җитештерү календаре сөйли.

Татарстанлыларның беренче озын ял көннәре дүрт көн (1-4 май) дәвам итәчәк. Бу 1 майда билгеләп үтелә торган Яз һәм Хезмәт бәйрәме, шулай ук ял көннәрен 4 гыйнвардан 2 майга күчерү белән бәйле.

Җиңү көнен бәйрәм итү һәм ял көнен 23 февральдән 8 майга күчерү сәбәпле, Татарстан халкы шулай ук дүрт көн рәттән (8-11 май) ял итәчәк. Моннан тыш, биш көн  эшләүчеләрнең ял көннәре 17,18, 24, 25 һәм 31 май булачак.